საბჭოს დებულება, მის წევრებს ნებისმიერი გადაწყვეტილების დასაბუთებას ავალდებულებდა. სახალხო დამცველი 2016 წლის ანგარიშში, მერიისგან ითხოვდა გაეუქმებინათ ყველა გადაწყვეტილება, რომელსაც არგუმენტები აკლდა. დაუსაბუთებელი ნებართვების გაცემა ორგანიზაციამ “ინიციატივა საჯარო სივრცისთვის” ხუთჯერ გაასაჩივრა და სასამართლოს მიმართა. სამი საქმე წააგო, ორი ისევ განხილვის ეტაპზეა.
“საბჭოებს ის მინუსი აქვს, რომ მისი წევრები ხელფასს არ იღებენ, - ამბობს მიხეილ ავალიანი, ზონალური საბჭოს ყოფილი თავმჯდომარე, - ეს, რა თქმა უნდა, ბევრ კითხვას აჩენს, ჩნდება კორუფციისა და ინტერესთა კონფლიქტის რისკი, რადგან ადამიანები მოდიან, მთელი დღე მუშაობენ და მათ ამაში ხელფასს არავინ უხდის.”
ზონალურ საბჭოში, სწორედ, ინტერესთა კონფლიქტს სწავლობდა “საერთაშორისო გამჭვრივალობა - საქართველოს” კვლევა. ასე გაირკვა, რომ თბილისის მერიის მაღალჩინოსნების ნაწილი, საბჭოს წევრობასაც ითავსებდა და თან სამშენებლო კომპანიებშიც ფლობდა წილს.
